AVLYST - Jan Eggum - «Så langt har alt gått bra»

Arrangementsinformasjon

Jan Eggum trivst i det fleste samanhengar. I stort band, lite band, viseduo, jazztrio, filharmonisk orkester, - til og med saman med songkor. Det er likevel noko heilt eige å oppleve Eggum ålene med gitaren, og gjerne i eit lite lokale. Det er i dei samanhengane ein verkeleg føler at ein kjem tett på mannen og songane hans.

Etter eit travelt og suksessrikt år på vegen med Halvdan Sivertsen er det ei glede å lansere ein turné med Jan Eggum ålene på scena, under den muntermelankolske tittelen «Så langt har alt gått bra». Det er ingen grunn til at det skulle gå noko dårlegare i 2020 når Jan og gitaren skal reise landet rundt med eit repertoar som tar utgangspunkt i hans mange vakre balladar.

Kva meir kan ein ønskje seg? Eit par ekstra billettar, kanskje? For har ein først fått oppleve Jan Eggum ålene, så vil ein sjå han igjen. Og igjen. Og igjen. Velkommen til ein eksklusiv kveld med ein av landets største artistar! På sjølvaste @veslekinnkulturscene i Florø!

Restriksjoner

Dørene opnar 18.00. Omlag halvparten er sitteplassar. Første mann til mølla!!

Ansvarsfraskrivelse

Kjøpte billettar blir ikkje refunderte